Exposición de Cogomelos da Sociedade Micolóxica Lucus 2024

Exposición de Cogomelos da Sociedade Micolóxica Lucus 2024

O vindeiro domingo, día 10 de novembro do 2024, na Deputación de Lugo (Rúa San Marcos, 8- Lugo), en horario de 11:00 a 14:00 e de 16:00 a 20:30 horas. (inauguración ás 12:00h)

A Exposición de Cogomelos, que é xa un clásico do outono en Lugo, complementarase cunha exposición fotográfica sobre micoloxía e con outra exposición de paneis informativos sobre os distintos hábitats micolóxicos de Lugo.

Os asistentes poderán ademáis contemplar unha presentación audiovisual informativa sobre micoloxía.

Á entrada facilitaráselles un díptico informativo sobre a propia Exposición e diversos consellos para unha correcta e sostible recolla de cogomelos.

Membros da Sociedade Micolóxica Lucus atenderán durante toda a xornada as preguntas e dúbidas da cidadanía, co obxectivo de impartir unha axeitada formación micolóxica e á vez previr intoxicacións por cogomelos.

ENTRADA LIBRE E GRATUÍTA.