Familiar – A Teteira de Kabul

Lugar: Auditorio Municipal Gustavo Freire
Idade recomendada: De 6 a 12 anos

A Teteira de Kabul foi finalista nos Premios María Casares 2024 na categoría de monicreques.

Sinopse:
A Teteira de Kabul é un espectáculo de monicreques dirixido ao público familiar baseado no conto homónimo de Carolina Pujados.

A súa protagonista, Mina, é unha nena afgá que ten que abandonar o seu fogar como consecuencia da guerra.

Ela e a súa familia emprenden unha longa viaxe na que a pesar das duras condicións irá descubrindo a beleza do tránsito grazas ás historias que lle conta súa nai e que ela garda nunha teteira.

Esta nova proposta de Xarope Tulú, en coprodución coa ONGD Asemblea de Cooperación pola Paz, fala das vivencias das persoas que se ven na obriga de abandonar o seu fogar a través da súa protagonista, un personaxe inspirado na vida da escritora afgá Nadia Ghulam.

A poética dos monicreques permite viaxar a outros lugares e contar a historia desde unha perspectiva construtiva e alentadora.

ENTRADAS -entradaslugo.es-