Presentación de dous novos libros de Xoán Hermida

Presentación de dous novos libros de Xoán Hermida

Evento subido a Viva Lugo, Axenda Cultural de Lugo. www.vivalugo.es

‘Un gigante entre pigmeos. Rescatar a Marx de los “marxistas»‘ (Servizo de Publicacións da Universidade de Vigo) e «En defensa de la democracia [real]. Auge y ocaso de la ‘nueva política’ en España» (Foro OBenComún).

• Xoves, 23 de xaneiro
• 19:00h
• Librería Trama

O autor estará acompañado de Juan Carlos Naveiro, filósofo lucense.

«Ademais de coincidir no tempo, teñen en común ser obras de resumen dun tempo, e ter como fío condutor a revolución e a democracia.

A inicios do século XX existían dúas forzas históricas motrices fortes: o cambio sistémico – a revolución – e a liberdade – a democracia -. Ambas herdadas dun potente pensamento desenvolto durante os séculos XVIII e XIX por filósofos modernos e que tivo como colofón a obra de Karl Marx.

A construción dunha liturxia ‘marxista’ e, posteriormente, as saídas totalitarias á primeira crise profunda do liberalismo significaron, no campo da esquerda, o trunfo da visión leninista e a disociación para longo tempo entre a democracia e a revolución.

Os diferentes intentos de volver a facer confluír ambas poderosas forzas motrices fracasaron ben por cuestións epistemolóxicas ou ben pola deriva totalitaria (e anti-liberal) dunha esquerda enrocada na xustificación de calquera modelo totalitario que asumira unha patina de anti-capitalismo ou anti-imperialismo (entendido unicamente como anti-americanismo).

Reivindicar o pensamento revolucionario e ilustrado de Karl Marx, para liberalo do marxismo, e reivindicar a democracia – a real e non a utopista -, son hoxe dúas necesidades progresistas no interpretativo e no político.»

Viva Lugo, Axenda Cultural de Lugo.

www.vivalugo.es

https://www.facebook.com/vivalugo

https://www.instagram.com/vivalugo/

https://x.com/viva_lugo