Presentación do libro “Eloy Maquieira. A pegada do racionalismo en Lugo”

Presentación do libro “Eloy Maquieira. A pegada do racionalismo en Lugo”

Na Delegación de Lugo do Colexio de Arquitectos de Galicia (rúa Puro Cora, 1)

O vindeiro mércores, 24 de setembro, ás 19:30 horas.

A presentación do libro estará aberta ao público en xeral.

A publicación será presentada pola presidenta do COAG Lugo, Carmen Figueiras; os seus autores, Santiago Catalán e Ángeles Porto, e o seu editor Santiago Martínez.

O libro non ten vocación de ser nin moi técnico nin para especialistas en arquitectura.
Segundo destacan os seus autores, pretende contar, desde o sentimento, a difusa
historia dun home e dun arquitecto, Eloy Maquieira, do que pouco se sabe porque non
constan nin fotografías, nin testemuñas dos que puideron coñecelo e tratalo, tan só
quedan as súas magníficas obras.

Os autores explican que o libro tenta no posible divulgar e poñer no seu valor real a
vida e a magnífica obra construída do arquitecto. “Maquieira foi un extraordinario
arquitecto que abriu camiños á modernidade en Lugo e, que só a súa prematura morte
aos 42 años, truncou un futuro luminoso para el e para a arquitectura da cidade da
Muralla”, indican.

Ao finalizar o acto haberá un ágape onde os asistentes poderán compartir as súas impresións sobre a obra cos autores e o editor, ademais de adquirir exemplares.