Teatro – MVCA María Visitación Consolación Amadora

Lugar: Auditorio Municipal Gustavo Freire
Idade recomendada: A partir de 14 anos

Sinopse:
Esta peza pretende amosar a vida desas mulleres que, dentro do contexto complexo que lles tocou vivir, conseguiron ter certa autonomía e incluso chegar a gañar máis que os homes en anos nos que isto era inaudito: As costureiras. Cómo reaccionou a sociedade ante este feito?

Poñemos o foco en diferentes costureiras da Comarca da Ulloa, abordando o cooperativismo e a soidade, a costura como traballo e/ou expresión artística, a memoria e  a industria téxtil…

Elas creaban en harmonía co medio, remendando; tratando de compoñer traxes cos restos de teas, artellando da mellor maneira que podían co pouco que había, na contra da nosa actual cultura do usar e tirar.

Elas comportan parte do noso patrimonio cultural.