Visita guiada á expo «É preferible o brillo»

Os días 2, 16 e 30 de maio ás 19h en LEIRA (praza do campo 1bis) haberá visitas guiadas para compartir coas asistentes os procesos e resultados expositivos da residencia artística e de investigación. Esperámosvos!

Ademais, todos os xoves e venres a peza estará activada para ver desde a cristaleira, mentres tomas algo ou pasas para facer algún recado polos soportais , con textos e información accesibles

Que cadremos unha cita por mensaxe privada ou por email a leirahaus@gmail.com

Nas últimas semanas a artista Marta Valverde percorreu Lugo en procura de lendas antigas sobre obxectos protectores e rituais e a súa relación coa función dos obxectos simbólicos do presente.

Autocuidado, eneagramas, altares, astroloxía, terapia ou “un master que ao fin me dará o traballo soñado”. (…) A poucos metros de aquí, no interior dun templo máis aló da praza, hai un obxecto pétreo carcomido polas mulleres en procura de esperanza.

Este obxecto é o Crismón de Quiroga, un enorme disco de mármore mermado -entre cirios temblorosos- polo ritual da litofagia. O obxecto reza “ O ouro é vil para ti, que a prata se retire. É preferible o brillo da túa felicidade”. A idea dun brillo matérico repítese durante longos séculos, vinculado á divindade pero tamén ás capacidades emocionais e sensitivas (…)

Viva Lugo, Axenda Cultural de Lugo.

www.vivalugo.es

https://www.facebook.com/vivalugo

https://www.instagram.com/vivalugo/

https://x.com/viva_lugo