Curso intensivo de pintura mural
A actividade, de balde e dirixida a mozos e mozas de 14 a 35 anos , dará comezo o día 10 de xullo e desenvolverase os días 11, 17, 18, 24, 25 e 31 do mesmo mes, de 16.00 a 20.00 horas.
A Área de Xuventude busca involucrar á mocidade no embelecemento de espazos vinculados co ocio xuvenil cun curso intensivo de pintura mural que, tal e como subliña o edil Jorge Bustos, “supón unha gran oportunidade para que a mocidade participe nunha actividade lúdica diferente que, ao tempo, fainos partícipes das melloras nos espazos de ocio xuvenil, transmítelles valores como o traballo en equipo e afástaos de condutas potencialmente aditivas”.
Esta actividade, que será de balde, dará comezo o vindeiro 10 de xullo e desenvolverase os días 11, 17, 18, 24, 25 e 31, de as 16.00 a 20.00 horas.
A formación, dirixida á veciñanza entre 14 e 35 anos, consistirá nun taller para que a mocidade interesada aprendan e sexa partícipes do propio proxecto, guiada por un especialista na materia que impartirá coñecementos e formación básica.
O seguinte paso será a súa participación na mellora de espazos deteriorados ou abandonados “converténdoos en espazos de lecer vistosos e poñendo en valor as instalacións e recursos onde se atopan”, apunta Bustos.
A través do proxecto traballarase en dous puntos: un deles será o muro existente detrás das canastras da Praza Viana do Castelo e o outro o muro da fachada frontal da Casa Clara Campoamor. A mocidade interesada pode inscribirse dende xa a través do correo trecetrazos@gmail.com e o teléfono 677 877 451.
