A Fundación Uxío Novoneyra, entidade dedicada a divulgar o legado do poeta Uxío Novoneyra, convoca o I Concurso de Fotografía dos Eidos – Federico García Cabezón, aberto para participar ata o 15 de novembro.
O concurso leva o nome de Federico García Cabezón, médico rural e fotógrafo amador, colaborador do poeta e patrón da Fundación Uxío Novoneyra, que durante décadas fotografou as montañas e a vida dos últimos labregos do Courel.
Poderán achegarse fotografías das xentes, dos lugares, das construcións, dos obxectos e da flora e da fauna, tomadas na Serra do Courel, que interpreten libremente un dos tres poemas do´Os Eidos de Novoneyra que establecen as tres categorías do concurso:
#Poema1
…
E INDA é nova a Terra!
#Poema2
SERRA aberta
inmensa antiga erencia!
#Poema3
VAISE vaise
o camiño d´aire do aire polo aire
camiñando por un sitio aonde nunca foi naide…
BASES – web da Fundación Uxío Novoneyra –
