Programa de actividades «Ocio no Castiñeiro»

A concelleira de Muller, Igualdade e Xuventude, Ana Gonzalez informa das actividades gratuítas de sensibilización, organizadas polo Concello, baixo o +Xti, e subvencionadas polo Plan Nacional de Drogas. Celebraranse do 6 ao 31 de xullo, de 18:30 a 20:00 horas na Praza do Castiñeiro. Son actividades abertas, para as que non é precisa inscrición, para maiores de 12 anos.

Na primeira semana, tratarase o consumo responsable, na segunda, os principios do comercio xusto, na terceira a igualdade de xénero e na cuarta, o reciclado de roupa.