A área de Cultura oferta visitas turísticas durante a Semana Santa, entre os vindeiros días 9 e 18 de abril, de xeito gratuíto, a todas as persoas que o desexen, ata cubrir a cabida de cada grupo.
“Realizaranse percorridos innovadores polas distintas mostras de arte urbano de Lugo, ademais das visitas habituais polo casco histórico que mostrarán o noso patrimonio histórico e cultural”, afirmou a Concelleira de Cultura Maite Ferreiro.
As visitas requerirán de inscripción previa, que se poderá realizar na oficina de Turismo Municipal tanto de xeito presencial como a través do teléfono 982 251 658.
