Enero 2019 A cooperativa Bico de Grao (Ronda das Fontiñas, 226 baixo) ven de anunciar as súas actividades para este xaneiro. Son as seguintes:
Actividades permanentes:
Meditación Guiada
Luns de 11:30 a 12:30 ou Xoves de 19:00 a 20:00 (Grupo pendente de completarse)
Imparte Alejandra Rodríguez
Aportación 20€/mes
A meditación axudaranos a descubrir a paz interior. Faranos prestar máis atención ao presente, onde a felicidade é real. Faremos estiramentos para unha boa postura, técnicas de respiración e mantras para unha relaxación profunda (ioga Nidra).
Inscríbete en Bico de Grao ou bicodegrao@gmail.com
Ioga
Luns de 17:00 a 18:00
Imparte Donvina Villares
Aportación 28€/mes. (45€/mes se asistes tamén a Pilates, polas dúas actividades)
So tes que traer roupa cómoda, calcetíns gordiños e esteira.
Inscríbete en Bico de Grao ou bicodegrao@gmail.com
Ioga con bebés
Xoves de 11:30 a 12:30
Imparte Alejandra Rodríguez
Aportación 20€/mes.
Ioga enfocado a explorar os movementos cos nosos bebés, de ata 18 meses. Respectando os seus tempos e tamén, nais ou pais poderemos facer algún estiramento acompañándoos. Exercicio indicado para que os nenos e as nenas se atopen máis tranquilos, máis felices, co que conseguiremos unha mellor alimentación e un mellor descanso.
Inscríbete en Bico de Grao ou bicodegrao@gmail.com
Pilates
Xoves de 16:45 a 17:30
Imparte Donvina Villares
Aportación 28€/mes. (45€/mes se asistes tamén a Ioga, polas dúas actividades)
É preciso traer roupa cómoda, calcetíns gordiños e esteira.
Inscríbete en Bico de Grao ou bicodegrao@gmail.com
Actividades puntuais:
Acroioga. Taller de ioga en parellas
Sábado 19 de xaneiro de 11:30 a 12:30
Imparte Alejandra Rodríguez
Aportación 18 €/parella
Trátase dun taller para divertirse. Podes vir coa parella, cun familiar ou amigx. Melloraremos a comunicación sentindo o contacto coa outra persoa, vendo como nos apoiamos mutuamente. Aproveitando tamén para corrixir a aliñación de todo o corpo.
Inscríbete ata o 16 de xaneiro en Bico de Grao ou bicodegrao@gmail.com. Para facer efectiva a reserva é necesario aportar o 30% no momento da inscrición.
Obradoiro de pan na casa.
Venres 25 de xaneiro. 11:00 a 15:00 e de 16:00 a 20:00
Imparte Roi
Aportación 60€ con todo o material incluído. Apuntes e receitas.
Aprenderemos a facer pan para que logo poidades facelo vós na casa de forma sinxela e divertida. Dende o primeiro minuto realizaremos diferentes receitas nas que veremos os pasos necesarios para converter a nosa casa nunha pequena panadaría artesanal. Todo con prácticas explicacións, trucos e consellos, para así, rapidamente dominar as principais técnicas da elaboración do pan.
Temario do obradoiro:
Introdución á panadaría na casa. Ingredientes básicos. Lévedos e masa nai natural. Ferramentas. Mesturado e amasado. Fermentación. Pregados. Boleado e formado. Corte e forneado. Conservación.
As receitas:
Barras con poolish. Ciabatta con biga. Pan de molde. Hogaza rústica de masa nai. Pan integral de masa nai con ameixas e abelás. Pan centeo fácil con masa nai.
Inscricións ata o martes 22 respondendo en Bico de Grao ou bicodegrao@gmail.com. Para facer efectiva a reserva é necesario aportar o 30% no momento da inscrición
