ABANCA e Afundación presentan «Mulleres de mar», microrrelatos audiovisuais para mover conciencias sobre a urxencia de coidar os océanos
Rita Míguez, mariscadora e presidenta de ANMUPESCA; Rosa Chapela, responsable da área de Socioeconomía da Pesca do CETMAR Vigo; e Jenifer Suárez, pescadora relatan os seus vínculos co mar e a importancia de os preservar
«Mulleres de mar» son tres microrrelatos audiovisuais protagonizados por Rita Míguez, mariscadora e presidenta de ANMUPESCA; Rosa Chapela, responsable da área de Socioeconomía da Pesca do CETMAR Vigo; e Jenifer Suárez, pescadora, que teñen como obxectivo mover conciencias sobre a urxencia de coidar o mar e os océanos.
As tres profesionais abordan tanto as súas experiencias como profesionais do mar como a situación de fronte ao futuro desde a perspectiva de como podemos contribuír desde a sociedade no seu conxunto para preservar o medio ambiente adoptando condutas que axuden a reducir a contaminación dos océanos.
O primeiro dos microrrelatos, protagonizado por Rosa Chapela, poderá verse o mércores, 10 de xuño, en Afundación en casa. O vindeiro mércores 17 de xuño será a quenda do microdocumental sobre Rita Míguez da Iglesia, e o día 24 de xuño, do que presenta a Jenifer Suárez.
A iniciativa enmárcase no programa «Comprometidos co medio ambiente e os océanos», promovido por Afundación e ABANCA, e poderase seguir en Afundación en casa
