Decembro 2019 A programación desta semana dos Codex Cinema confirma a súa aposta polo talento lucenses que triunfa dentro e fora das nosas fronteiras. Ademais dos éxitos rotundos de O QUE ARDE (que xa supera os sete mil espectadores) e LONGA NOITE (máis de trescentos espectadores na súa primeira fin de semana), este venres estrea en exclusiva EROSKI PARAÍSO, adaptación que o lucense Jorge Coira fixo da famosa peza teatral de Chévere, contando con Miguel de Lira e Patricia de Lorenzo nos papeis protagonistas ( e o sábado contarán coa presenza de Pepe Coira para introducir o filme)
Outro lucense de excepción, Luis Tosar, ten a súa primeira aparición en Codex con INTEMPERIE, filme de actualidade posto que conseguiu colarse entre as cinco nominadas a mellor película na próxima edición dos premios Goya, onde competirá contra O QUE ARDE. Tosar encabeza o reparto deste poderoso drama situado na posguerra española, a medio camiño entre o thriller psicolóxico e o western, que adapta a celebrada novela de Jesús Carrasco.
