Conferencia sobre intelixencia artificial no aprendizaxe universitario

A UNED de Lugo analiza o impacto da intelixencia artificial no aprendizaxe universitario nunha conferencia aberta ao público

A UNED de Lugo acollerá o martes, 2 de decembro de 2025, de 19:00 a 20:30 horas, a conferencia “La genIA y tu aprendizaje en la UNED: ¿enemiga o aliada?”, unha reflexión necesaria sobre o papel da intelixencia artificial xerativa no ensino superior, especialmente no modelo educativo da UNED.

A sesión, que se desenvolverá no Salón de Actos do centro asociado, estará impartida por Emilio Luque Pulgar, vicerreitor adxunto de Sostibilidade e Axenda 2030 da UNED e profesor titular de Medio Ambiente e Sociedade.

A actividade forma parte do ciclo Humanidades a Corta Distancia 2025, que promove a divulgación humanística cun enfoque accesible e rigoroso.

Ao longo da intervención, analizaranse as transformacións que a IA xerativa está provocando nos procesos de aprendizaxe e avaliación.

Tamén se abordarán cuestións clave: a percepción de estudantes e profesorado, os riscos e oportunidades da incorporación destas ferramentas, o papel da escritura no contexto actual e os escenarios desexables para unha integración ética e responsable da tecnoloxía no ámbito académico.

A conferencia poderá seguirse presencialmente, online en directo ou en diferido, sen necesidade de desprazarse ao centro. A participación é de balde e pode confirmarse a asistencia e obter máis información na seguinte ligazón: https://extension.uned.es/actividad/49097&codigo=MDIDC

Esta actividade conta coa colaboración do Concello de Lugo e da Deputación de Lugo, reforzando o compromiso institucional coa reflexión crítica sobre os retos educativos contemporáneos.

Para máis información, as persoas interesadas poden contactar coa UNED Lugo a través do correo info@lugo.uned.es ou no teléfono 982 28 02 02.