De conversa con Xosé Valín – «Libros con Historia»

De conversa con Xosé Valín – «Libros con Historia»

Sábado 17 de maio de 2025 – 19:00 horas – A Despensa do Saa – Entrada de balde.

O libreiro de vello e investigador Xosé Manuel Valín Barreiro será o protagonista do espazo De conversa con…, que forma parte da programación de actividades culturais da taberna A despensa do Saa.

Valín falará de Libros con historia.

Será presentado pola escritora Marica Campo.

Xosé Manuel Valín é o titular da librería de vello Valín Libros, sita en San Roque, 32, en Lugo.

É autor de Lugo, entre la historia y la leyenda, Orígenes, mitos y leyendas de Galicia e Manuel Pajón, o bardo lugués.

Marica Campo é unha recoñecida escritora, de longa traxectoria.

A súa obra inclúe poesía, relato, teatro e novela; é autora de prólogos e pregoeira en diversas feiras, entre elas as do San Froilán 2017.

É tamén unha incansable e eficaz animadora cultural.

Ten recibido numerosos premios e distincións, entre outros o da Cultura Galega 2022 e o Entre Mulleres.

É Chairega de Honra, distinción concedida pola asociación cultural Xermolos e a Fundación Manuel María.

A biblioteca do colexio do Incio, o seu concello natal, leva o seu nome.

Axenda Cultural de Lugo.

www.vivalugo.es

https://www.facebook.com/vivalugo

https://www.instagram.com/vivalugo/

https://x.com/viva_lugo