Gran Reunión dos Cidadáns do Mundo

Gran Reunión dos Cidadáns do Mundo

Sábado 19 de xullo a partir das 16.00 horas na segunda planta do Uxío Novoneyra, na rúa Quiroga Ballesteros.

Unha celebración intercultural e unha ocasión para dar a coñecer os servizos municipais de atención a persoas migrantes e solicitantes de protección internacional.

A xornada está pensada como unha festa da diversidade, cun dúo musical en directo, exhibicións de baile e un aperitivo colectivo, fomentando o encontro entre culturas, o respecto mutuo e a construción de comunidade.

“Neste novo punto de información cidadá ofreceremos atención especializada para persoas migrantes en aspectos clave como o asesoramento xurídico gratuíto, orientación sobre o acceso a dereitos sociais, laborais e de residencia, asistencia a persoas solicitantes de protección internacional”, destacou Sinisterra, responsable da Concellaría de Movementos Migratorios,  que informou así mesmo de que as asitencias serán presenciais os martes e venres, de 11:00 a 14:00 horas, con atención individualizada mediante cita previa que se pode xestionar a través dos telegónos de atención cidadá do Concello de Lugo.