II Xornadas UniTIC «As TIC na Universidade, adicións»

A Facultade de Formación do Profesorado acolle o 16 de outubro as II Xornadas UniTIC ‘As TIC na Universidade: adicións sen substancia e consumos de substancias psicoactivas en estudantado do Campus de Lugo’ a partir dos resultados do segundo estudo epidemiolóxico que se elaborou sobre esta materia no campus lugués.

O encontro ten como obxectivo reflexionar sobre o impacto das Tecnoloxías da Información e a Comunicación (TIC) na vida académica do estudantado universitario.

A través de conferencias, mesas redondas e obradoiros, abordaranse temas como  o equilibrio entre o uso educativo e o abuso das tecnoloxías, o desenvolvemento de competencias dixitais/mediáticas e o impacto no rendemento académico.

Este espazo busca fomentar o debate e ofrecer ferramentas para un uso responsable e consciente das TIC no ámbito universitario.

Trátase dunha una actividade completamente gratuíta e as persoas asistentes recibirán un certificado de asistencia e participación de 10 horas.

De 09.45h a 19.30h + información en https://grupomestura.net/unitic/