
7 de outubro no Museo Provincial de Lugo ás 12:00 h.
A Rede Museística Provincial de Lugo presenta unha nova exposición como parte do seu programa de investigación educativa.
A mostra, titulada “Toca madeira, alza o voo”, reúne unha coidada selección de obras escultóricas pertencentes á colección do Museo Tiflológico da ONCE.
Nela, poderanse ver pezas realizadas tanto por artistas con discapacidade visual grave como por aqueles que non a teñen, unidas todas por un fío condutor común: a capacidade de alzar o voo fronte ás adversidades.
A metáfora de “alzar o voo” simboliza o progreso, a liberación e a valentía para superar os obstáculos da vida. A través destas esculturas, convídasenos a reflexionar sobre o crecemento persoal, a aprender das experiencias, incluso das máis desafiantes, e a tomar o control do noso propio camiño con determinación.
Con esta iniciativa, buscamos resaltar a capacidade do ser humano para superar dificultades e concienciar sobre a discapacidade na nosa sociedade.
Somos a axenda cultural de Lugo e o medio dixital onde enterarte de tódolos eventos culturais e de ocio da cidade: concertos, teatro, exposicións, cine, espectáculos, presentación de libros, danza…
Contacta: vivalugo@vivalugo.es
© 2018 Viva Lugo | Deseño web feito co ♡ por El cielo del norte