Mesa redonda «Unha semblanza da conservación patrimonial galega a través de Villaamil y Castro»

O MPL organiza, ao abeiro da exposición “A colección Villaamil y Castro no Museo Provincial de Lugo”, a mesa redonda “Unha semblanza da conservación patrimonial galega a través de Villaamil y Castro”.

Nela exporase o papel do persoeiro na súa etapa vital en Mondoñedo e en Lugo, ademais de introducir a relevancia do coleccionismo na valoración do patrimonio en Galicia durante a segunda metade do s. XIX, co fin de xerar un debate participativo ao respecto.

Participan:

A mesa contará coa participación de  Antonio Prado Gómez (Profesor e escritor): “O Instituto Provincial de Lugo, unha necesidade académica”, Abel Vigo García (Arqueólogo no concello de Mondoñedo): “Villaamil: o arqueólogo”, Erea Castro Alfonso (Conservadora no Museo de Pontevedra):“Tras as pegadas do coleccionismo en Galicia: A contribución de José Pérez Villaamil y Castro”.

Modera:

Aurelia Balseiro García (Directora do Museo Provincial de Lugo).

•  26/06/2025 ás 19:00h.

• Museo provincial de Lugo