Monicreques «U-La Lúa?»

Monicreques «U-La Lúa?»

28 de Marzo 2025, 18:00

Biblioteca Pública de Lugo. Salón de actos (ata completar capacidade). Entrada de balde.

A cargo de A Xanela de Maxín

Para conmemorar o Día do Teatro

Unha proposta escénica dirixida a un público familiar. En U-la Lúa? cobran importancia valores como a tenrura, o respecto ou a solidariedade. Un mundo onde a violencia non ten cabida, e onde ilusión fai dos soños unha realidade.

Lúa é unha gatiña pequena, algo tímida e asustadiza. Vive coa súa avoa nunha humilde casa. No exterior contan cun fermoso xardín no que Lúa pasa as horas xogando soa. Non ten irmáns e a avoa lle deixa saír fóra, mais Lúa soña con viaxar, coñecer novos lugares e ter amigas e amigos para xogar.

Illada do mundo, sen ver máis alá dos muros que rodean o xardín, un día deulle por subir a ese muro. O que viu dende alí deixouna apampada. A tan só unha carreiriña había un parque! Cos seus bambáns e un tobogán enorme. Chegaría nun intre. Era doado… ou iso semellaba.

Para nenos/as de 4 a 12 anos (público familiar)

Duración: 45 minutos

Axenda Cultural de Lugo.

www.vivalugo.es

https://www.facebook.com/vivalugo

https://www.instagram.com/vivalugo/

https://x.com/viva_lugo