Obradoiro «Paxe, cestería tradicional de varas»
18 de julio - 20 de julio
Obradoiro «Paxe, cestería tradicional de varas»
Aberto o o prazo para anotarse no curso «Paxe, Cestería tradicional de varas», no que as persoas asistentes aprenderan a elaborar un “paxe”, un tipo de cesto forte e de base cadrada usado tradicionalmente para tarefas agrícolas, do 18 ao 20 de xullo en Lugar de Reque – Paseo do río Rato.
O obradoiro contará cunha parte teórica en que se fará unha introdución a historia da cestería en Galicia, centrada nos tipos, usos e procedencias de diferentes tipos de cesto, e se falará do cultivo, recolección, tallado, pelado e conservación do vimbio, ademais das ferramentas que se empregan neste oficio. Na parte práctica, as persoas asistentes aprenderan como tecer o cú, levantar a teada e rematar e
poñer as asas do paxe.
A participación no curso, dirixido a cesteiras profesionais e afeccionadas, require de inscrición previa a través do enderezo lugardereque@deputacionlugo.org. O prazo estará aberto do 8 ao 13 de xullo. A selección das persoas participantes farase por orde de recepción de solicitudes, dando prioridade ás persoas que aínda non participaron nos obradoiros de cestería do Lugar de Reque.
O obradoiro forma parte do programa de formación en cestería que a Vicepresidencia da Deputación de Lugo impulsa no Lugar de Reque para revitalizar este espazo público a carón do río Rato, en Lugo, da man da Asociación Vilú.
#Lugo #vivalugo #lugardereque #paseodorato #paseodoriorato #riorato #cestería
NOVAS RECOMENDADAS
O MÁIS VISTO
QUEN SOMOS
Somos a axenda cultural de Lugo e o medio dixital onde enterarte de tódolos eventos culturais e de ocio da cidade: concertos, teatro, exposicións, cine, espectáculos, presentación de libros, danza…
Contacta: vivalugo@vivalugo.es
SÍGUENOS
© 2018 Viva Lugo | Deseño web feito co ♡ por El cielo del norte