Presentación de ‘Amor Palimpsesta’ de Helena Salgueiro

Presentación de ‘Amor Palimpsesta’ de Helena Salgueiro

Editado por Espiral Maior, gañador do XXIV Premio de poesía Fiz Vergara Vilariño

• Mércores, 3 de decembro
• 19:00h
• Librería Trama

A autora estará acompañada de Nieves Neira, poeta e xornalista, e de María Casar, presidenta da A.C. Ergueitas.

Sobre ‘Amor Palimpsesta’, polo xurado do Premio Fiz Vergara Vilariño :

É unha proposta de superación dos xéneros desde a forma e desde a propia elaboración teórica para realizar un discurso que se adentra na construción dunha voz poética non constrinxida a ningún rexistro determinado.

Un poemario vórtice, concibido desde a fragmentación textual e a hibridez xenérica.

Neste canto de amor á escritura e exercicio de escritura sobre o amor explórase este último como macrotexto sagrado.

A autora espéllase en diversas artes, lai acopio de materiais e compárteos con quen le, confiando na (in) finitude do libro.

Amor Palimpsesta é un poemario que desprega unha paisaxe híbrida, cunha engrenaxe paratextual moi rica e complexa, que alicerza unha reflexión arredor do amor e da escrita.

Fragmentario e experimental, porén coa unidade e coherencia dun proxecto firme e complexo.

Imaxes lúcidas, ironía e humor e unha ramificación de voces e texturas, múltiples formas que o converten nun libro-corpo colectivo cheo de vida e posibilidades.