Roteiro ambiental – Como iniciarse na natureza

Roteiro ambiental – Como iniciarse na natureza

Con motivo do Día Mundial do Medio Ambiente, a UNED de Lugo organiza o vindeiro 9 de xuño un Roteiro Ambiental guiado polo biólogo e divulgador ambiental Antón Prego Areal.

A actividade desenvolverase entre as 17:00 e as 19:00 horas e ten como obxectivo achegar ás persoas participantes á natureza dun xeito respectuoso e educativo.

O percorrido terá lugar na Reserva da Biosfera Terras do Miño, un espazo natural privilexiado que acolle unha biodiversidade excepcional.

Ao longo do itinerario, o público asistente aprenderá a identificar distintas especies de flora e fauna, así como a comprender a importancia da súa conservación.

A actividade está dirixida a todas aquelas persoas interesadas en iniciarse na observación e coñecemento da natureza.

Punto de encontro: entrada principal do edificio da UNED de Lugo.

A inscrición é de balde e pode formalizarse a través da plataforma en liña da UNED Lugo.

Recoméndase acudir con roupa e calzado cómodos, protección solar e auga. Por motivos de conservación, non se permitirá a presenza de animais de compañía durante o percorrido.

Esta iniciativa, promovida polo proxecto #LugoNaturalMente, pon de manifesto, unha vez máis, o compromiso da universidade coa concienciación ambiental e co respecto polo medio natural.

Lembramos que NON está permitido acudir con animais de compañía, xa que a súa presenza pode alterar o comportamento da fauna da reserva.