Terceira edición de La Voz Open
É un dos eventos de referencia do panorama nacional de xogos de estratexia e miniaturas Warhammer 40.000.
O torneo, que se celebrará os vindeiros 29 e 30 de agosto no Pazo de Feiras e Congresos de Lugo, está organizado pola empresa lucense Bandua Wargames xunto ao podcast La Voz de Horus.
A terceira edición de La Voz Open forma parte do circuíto oficial Iberian Open 2026, converténdose nunha das probas que outorgan acceso directo aos World Championships of Warhammer.
Nesta edición estarán en xogo tres Golden Tickets. Os dous primeiros clasificados conseguirán un Supergolden Ticket, dotado con 800 euros para facilitar a súa participación no campionato mundial que se celebrará en Barcelona. Ademais, entregarase un terceiro Golden Ticket ao
Best Overall, recoñecendo ao xogador que se presente cun exército pintado persoalmente, premio que inclúe tamén unha achega económica de 400 euros.
Todos os participantes recibirán un Welcome Pack con diferentes agasallos e a organización ten previstas sorpresas adicionais para as primeiras persoas inscritas, reforzando así unha cita que continúa medrando e consolidándose como un referente para os afeccionados aos xogos de estratexia e miniaturas.
