"Inmersión ó interior" de Luísa Paz e Concetta Montenegro é a nova exposición a visitar en O Vello Cárcere de Lugo.
A mostra Inmersión ó Interior de Concetta Montenegro e Luísa Paz, achégase ás celas de homes da primeira planta do Vello Cárcere.
Consta de 34 obras realizadas en acrílico sobre lenzo, nas que se atopa un punto de converxencia entre ambas artistas: un amor profundo pola Terra, da que proceden as musas que nos sumerxen nun mundo de marabillas, persoal e único.
Luísa Paz e Concetta Montenegro definen a obra como “a procura da consecución de obxectivos similares camiñando en paralelo, cun proceso creador diferenciado”. A mostra Inmersión ó interior plasma “emocións que xorden do íntimo, plasmadas nun espazo real, o que conleva moitas horas de reflexión, con intres de dor, pracer sorrisos desencantos, acertos e erros”.
