20 agrupacións mostrarán a súa música con concertos gratuítos que terán lugar os venres e sábados, a partir das 20:30, entre o 30 de xuño e o 2 de setembro no Muralleando 2023.
O Tenente Alcalde do Concello de Lugo, Rubén Arroxo e a concelleira de Cultura, Turismo e Promoción da Lingua, Maite Ferreiro, presentaron a cuarta edición deste ciclo de concertos que abrirá a Praza da Mosqueira ás distintas agrupacións musicais de Lugo.
Maite Ferreiro lembrou que «os concertos do Muralleando apareceron xusto despois do confinamento, no ano 2020…», e afirmou que “tres anos despois xa está consolidado como unha das actividades culturais máis importantes para os meses de verán, converténdose no punto de encontro das agrupacións locais, mantendo a Muralla como protagonista ao celebrarse na Praza da Mosqueira, un dos espazos máis importantes na programación cultural”.
Programación Muralleando 2023
Xuño
30 – Filophóbicas
Xullo
1 – Nebra
7 – Beelattor
8 – Mr Hattaway
14 – Banda Filharmónica
15 – Voces Violetas
21 – The Wireless
22 – Verter GZ
28 – El Último Burro
29 – Haenselus
Agosto
4 – Rachel and the Blue Batons
5 – Kali la Negra
11 – Foolans, Beach Avenue e Jade4
12 – Airiños da Freba
18 – Por Mi Swing
19 – Madame Rachel
25 – Perguizán
26 – Caivanca
Setembro
1 – De Lope
2 – Holy Damn
