«A Gran Viaxe» é o nome do espectáculo da cabalgata de reis en Lugo 2023, con intervencións de artistas chegados de distintas partes do mundo que acompañarán aos Magos de Oriente na súa chegada á cidade o vindeiro 5 de xaneiro de 2023.
Durante a presentación, a concelleira de Cultura, Maite Ferreiro explicou que “presentamos un novo espectáculo para que as nenas e nenos de Lugo poidan recibir aos Magos sen restriccións como as que a pandemia provocou os últimos anos, cunha gran cabalgata que contará con música e espectáculos novidosos e de calidade”.
A Cabalgata, titulada A Gran Viaxe, realizará o seu percorrido habitual o vindeiro 5 de xaneiro a partir das 18:00, saíndo desde o Parque da Milagrosa e coa previsión de chegar ao Concello ás 19:30.
O percorrido contará con 4 carrozas e 11 espectáculos chegados a Lugo desde distintas partes do mundo. “As carrozas están baseadas na viaxe dos reis, representando aos animais e aos elementos patrimoniais máis recoñecibles de Oriente”, explicou Maite Ferreiro, que engadiu “a carroza dos agasallos xogará coa idea dos xoguetes, a ilusión e o crebanoces, un clásico do Nadal que tamén ten a súa orixe no lonxano Oriente”.
Os Magos de Oriente estarán acompañados na Cabalgata por Máximus, a mascota do Breogán.
Acompañando aos Magos, contarase con espectáculos que reflexarán a viaxe que fan desde Oriente, representando ás cousas, animais e persoas que atopan polo longo camiño, acompañados de música, danza e teatro.
Durante o desfile polas rúas de Lugo repartiranse 2.000 quilos de caramelos, e as nenas e nenos que saúden aos Magos de Oriente no Concello recollerán un dos 3.000 cornetes de lambetadas, que levarán tamén un pequeno xoguete como recordo da chegada dos Magos a Lugo.
O Goberno de Lugo conta coa colaboración dun gran número de empresas locais que quixeron colaborar en facer deste día unha data inesquecible para as nenas e nenos. Maite Ferreiro agradeceu a colaboración de Gadisa, Carrefour, Renault, Abanca e Caixa Rural, que colaborarán de diferentes xeitos para facer posíbel esta xornada.
PERCORRIDO
A cabalgata transintará polas rúas polas que ven sendo tradicional o percorrido como Montefaro, Av da Coruña, Bolaño Rivadeneira, Quiroga Ballestero e rúa da Raiña. A cabalgata sairá ás 18:00 horas e sairá dende o parque da Milagrosa para chegar ao concello onde os reises recibirán a nenas e nenos. A súa chegada ao concello está estimada para as 19:15 horas.
