Adra Pallón Premio Nacional de Fotoperiodismo INJUVE 2022

“Incendios forestales y cambio climático” é o traballo premiado realizado como cobertura para a axencia EFE e distribuído en diferentes medios nacionais e locais, publicándose a serie completa no medio dixital Viva Lugo

Publicándose a serie completa no medio dixital Viva Lugo

Adra Pallón Premio Nacional de Fotoperiodismo INJUVE 2022… Ponlle o tamaño de letra máis grande para o titular!» gritan nesta redacción, «en cor!, en cor»!, – nin caso – «repite que publicamos a serie completa, nós, nós, nós!» – pero queda raro – «un gañador doutra categoría é de El País!» – mira para ahí eh, quén o diría de Viva Lugo – «viva o Adra Pallón!!!!» – brindis con cervexa sen glúten, festa nocturna no Ho! Gruf … e a seguir levando a cultura e ás xentes da cultura lucense polo mundo enteiro.

Os Premios Injuve de Xornalismo e Comunicación, teñen o obxectivo de recoñecer o esforzo e o compromiso de novos xornalistas ou comunicadores no ámbito do xornalismo social, fomentando así o desenvolvemento e a difusión da súa carreira profesional.

O Instituto da Mocidade, INJUVE, quere recoñecer así o traballo de xornalistas ou comunicadores menores de 35 anos que contribuísen ao fomento, defensa e difusión de valores cívicos, sociais e de igualdade nas modalidades de Xornalismo Impreso, Fotoperiodismo, Xornalismo Audiovisual (Radio e Televisión) e Xornalismo Dixital.

O xurado desta terceira edición estivo integrado este ano por Tania Minguela, Directora da División de Programas do Injuve, como presidenta e os xornalistas Mariña Lobo, Ana Torres, Daniel Mediavilla e Elena Omedes como vogais. Fallaron os seguintes premios:

Xornalismo impreso: “Las cicatrices del trabajo doméstico” de Gonzalo García Sánchez no CV Semanal do diario de Levante

Fotoperiodismo “Incendios forestales y cambio climático” de Adra Pallón (Adrián Vázquez Rodríguez) reportaxe completa recollida en Viva Lugo «Arde a Ribeira Sacra»

Periodismo audiovisual. “Yo si te creo” de Núria Vilá Coma. Vimeo. 

Periodismo digital. “El viaje de los Pérez: de la Cañada Real a su primera casa vertical” de David Expósito Martín y Miguel Ezquiaga Fernández na edición digital de El País.

Fotoperiodismo “Incendios forestales y cambio climático» de Adra Pallón (Adrián Vázquez Rodríguez).
Este traballo de documentación dos labores de extinción dun dos incendios forestais de maior relevancia do pasado ano, na localidade lucense de Ribas de Sil, foi realizado como cobertura para a axencia EFE e distribuído en diferentes medios nacionais e locais, publicándose a serie completa no medio dixital Viva Lugo o 14 de setembro de 2021.
 
Reflicte a crueza destes incendios e a dureza das situacións ás que se enfrontan os efectivos de bombeiros na súa extinción. Tristemente correntes cada verán en España, os incendios forestais son cada vez máis virulentos e devastadores debido ás condicións ambientais e do terreo provocadas pola crise climática.
 
 
 
ADRA PALLÓN

Adra Pallón é un premiado fotógrafo lucense con proxección internacional. Traballa para distintas axencias e medios, realiza proxectos persoais e é docente de cursos de fotografía.

Web oficial Facebook Instagram

+ de Adra Pallón en Viva Lugo:

Lugo na mirada de Adra Pallón

«Se pecha Alcoa, nós tamén»

Adra Pallón seleccionado nos Oscar do fotoxornalismo

Adra Pallón finalista no «Andrei Stenin International Press Photo»

San Froilán 2022 na mirada de Adra Pallón