Programa de Artes Escénicas de abril en Lugo

Unha programación cultural promovida polo Concello en convenio coa AGADIC dirixida a tódolos públicos e para tódolos gustos.
Engadimos tamén outros espectáculos que acontecerán no Auditorio este mes
 

ABRIL

FAMILIAR 7 de abril – 18:30  Os Monicreques de Kukas

Espectáculo de gran formato que combina o traballo de actor e a pantomima coa animación de marionetas e a maxia coa música en directo nun espazo escénico polivalente e suxestivo no que todos os elementos forman parte da divertida, misteriosa e trepidante aventura que supón a viaxe dunha peculiar e curiosa marioneta chamada Arlequina na busca da súa identidade contando para iso coa axuda de Marchelino, un vello e estrafalario artista e titiriteiro.

Compañía: MONICREQUES DE KUKAS

DURACIÓN 60 minutos. Dirixido a público infantil a partir de 4 anos, ata 100.

ENTRADAS – entradaslugo.es – 

TEATRO 13 de abril – 20:30 – Rey Lear.

Baséase nun conto popular que aparece incorporado á historia antiga de Inglaterra desde o século XII. Contan crónicas que o vello Lear quixo coñecer o grao de afecto das súas tres fillas para designar sucesora a quen máis o quixera. Dúas desfixéronse en gabanzas e a menor contestoulle que o quería como pai e nada máis. Pareceulle pouco ao rei, que a castigou. O tempo e as peripecias virían demostrar máis tarde que era a única digna do trono que, por fin, tras unha guerra coas irmás, conseguiu. Shakespeare amplía e transforma a trama, infundíndolle unha visión persoal. Paralelamente á propia historia de Lear, plasma a de Gloucester e os seus fillos. O resultado supón unha experiencia extrema de dor, loucura e destrución expresada cruamente e sen reservas.

Compañía: Atalaya Dirección: Ricardo Iniesta

Elenco artístico: Carmen Gallardo, Joaquín Galán, María Sanz, Raúl Vera, Elena Aliaga, Silvia Garzón, Lidia Mauduit, José Ángel Moreno, Javi Domínguez.

Duración: 100 minutos

ENTRADAS – entradaslugo.es – 

Rey Lear Teatro

Danza: Pink Unicorns 25 de abril – 20:30

Pink Unicorns
LA MACANA
LUGAR: Auditorio Municipal Gustavo Freire (ver mapa)
DURACIÓN: 70 minutos

O punto de partida da nova creación de La Macana en colaboración con Samir Akika é un reto, o reto de por en escena a un pai co seu fllo adolescente. O primeiro, un galego de orixe cubano que na súa amplia experiencia como bailarín nunca tivo que enfrontarse a un maior desafío que bailar cun compañeiro máis cercano. Pola outra banda, un espléndido, atlético e creativo rapaz de catorce anos, cheo de enerxía e de ganas de confrontar a súa perspectiva “millennial” co seu querido pai.

Equipa e coprodutores:

Dirección artística: Caterina Varela, Samir Akika & Alexis Fernández
Intérpretes: Alexis Fernández & Paulo Fernández
Deseño de espazo: Tilo Schereieck
Deseño de iluminación: Afonso Castro
Dirección de produción: Caterina Varela

Unha produción de LA MACANA en coprodución con AGADIC (ES), THEATER IM PUMPENHAUS (DE), THEATER BREMEN (DE).

ENTRADAS – entradaslugo- 

BAILE E MÚSICA TRADICIONAL – 27 de abril – Fran Sieira – EntreSoños.

É unha obra de baile e música tradicional galega de 70 minutos de duración. Nela poderase ver en escena a figura dunha persoa deitada, inmersa nun profundo soño, pero lonxe de conseguilo é invadida por milleiros de pensamentos e inquedanzas. Dentro dos seus soños cobra vida esa valentía por conseguir todo o que se propoña, pero tamén o fan as súas debilidades, medos e frustraccións. Unha loita por alcanzar ou dar vida a eses soños que nunca puido ou se atreveu a levar a cabo, á vez que os medos e inseguridades o invaden dicíndolle que non son máis que soños que desaparecerán cando esperte… escenificando deste xeito encrucilladas nas que cada un de nós nos vimos envoltos nalgún momento das nosas vidas. Esas ganas de perseguir os nosos soños e inquedanzas e eses medos que nos paralizan e non nos deixan avanzar…

Dirección: Fran Sieira e David Vilarinyo

Elenco artístico: Fran Sieira, Xisco Feijóo e Aida Tarrío.

Duración: 70 minutos

ENTRADAS – entradaslugo.es – 

programacion-auditorio-gustavo-freire