O xoves 21 de outubro, ás 20:00 horas, terá lugar nos cines NUMAX de Santiago de Compostela, a estrea da webserie RONSEL DE FUTURO, do Sr. López Producións, realizada con motivo do 15 aniversario da creación da Rede Museística da Deputación de Lugo.
Sr. López Producións, da man de Brian Rodríguez e Rubén Pérez, leva a cabo este proxecto no que participan a xerente da Rede, Encarna Lago, amais de artistas, membros do Club Sénior do Museo do Mar, o Grupo de Teatro Antas de Ulla, Espazo Lupa, Colexio Público de Antas e persoal dos catro museos integrados na Rede.
En próximas datas, será presentada en Culturgal e no CGAI.
RONSEL DE FUTURO
«Na mesma facemos un percorrido polos catro museos da Rede: Museo do Mar, Museo-Fortaleza San Paio de Narla, Pazo de Tor e Museo Provincial de Lugo, a través dos artistas, colectivos e asociacións vencelladas á propia Rede.
Un camiño que vos levará a coñecer a Braulio, que acaba de saír do cárcere e tenta reconducir a súa vida, así como a Alexandre, titor legal e que intentará axudarlle nesta nova etapa vital de Braulio xunto a propia Rede Museística, espazo común, fogar, de tantas e tantas persoas.»
