ADIADO – ADIADO Danza – «Donas»

Lugar:
Auditorio Gustavo Freire.

Publico:
Adulto.

Sinopse:

Donas é unha poesía corporeizada, unha alegoría aos aspectos femininos da existencia encarnados no corpo da muller, un camiño en feminino que recolle as voces ancestrais e as ilumina no presente.

Fala de facernos capitanas das nosas vidas, da ciclicidade, da vida e da morte, de sexualidade, de fondas feridas interxeracionais, de manifestos, de loita, de sororidade e de amor, sobre todo de amor.

É unha creación sostida pola trascendencia, que navega polo simbólico dando voz aos ecos do subconsciente feminino. Donas é unha obra circular, próxima ao trance que envolve ao espectador, creando un clima emocional aberto a todo o espazo máis aló do marco escénico e de todas as barreiras.

“Pareceremos as mesmas pero todo será distinto…”

Ficha Técnica:

• Elenco bailarinas: María Ferrer Garau, Irma López de Gamarra Lorenzo, María Pichín Rodríguez, Carla Mosteiro Campos, Aroa Pérez Alonso, Iria Rivas Fernández, Marina Rojas Valladolid, Amparo Silva Rodríguez, Ariadna Vázquez Cabana.
• Dirección e Coreografía: Alba Felpete Facal en colaboración coas bailarinas.
• Asistencia coreográfica: Sabela Adalid Carracedo.
• Música: Iain Armstrong.
• Iluminación: Alumnas de Escenografía da EASD Ramón Falcón, coordina: Eva Valle Legido.
• Vestiario: Cali danza e Entre Hilo & Tela.
• Son e Iluminación: Escóitame Producións.
• Deseño imaxe gráfica: Mesías.

ENTRADAS