Festival de Teatro Universitario 2024

Idade recomendada: A partir de 14 anos.
Lugar: Auditorio Gustavo Freire.
Texto:

O manicomio é o lugar onde van parar as persoas que son diferentes, que non encaixan nunha sociedade que busca o (seu) equilibrio para poder ter todo controlado de cara á produtividade. O tolo, o desequilibrado, é recluído e tratado co fin de recuperarse para esa sociedade: non debe saír dos cánones establecidos.

Sucede que o manicomio está obsoleto e o tratamento de shock que reciben as persoas díscolas está sendo cuestionado. Achégase un cambio, pero sempre que un imperio está a piques de desmoronarse ataca con todas as súas forzas e fará todo o que poida para acabar coa insubmisión.

Esta é unha historia de forzas en oposición: as daquelas persoas que teñen o poder e queren perpetuarse nel e as que o cuestionan desde a súa loucura. É tamén unha historia de amizade, de revolta, de represión, de creatividade, de amor, de liderazgo, de sacrificio. Contén o humor e a morte, a comedia e a traxedia, como a vida mesma. Pon diante de nós os desequilibrios que afrontamos cada día. O lado da balanza no que decidamos poñernos é cousa nosa.

ENTRADA GRATUÍTA (entradaslugo.es)

• martes, 16 de abril de 2024 20:30 hs.

Deixando a Pel

Compañía de Teatro da USC – LUGO