Inauguración da mostra «Perdendo a forma humana»

Inauguración da mostra «Perdendo a forma humana» da artista lucense Noemí Núñez

Xoves 5 de Xuño ás 19:00 horas na galería Soliana de Lugo.

A mostra reúne pintura e cerámica arredor dun imaxinario de criaturas enmascaradas e paisaxes emocionais.

Poderá visitarse ata o vindeiro 30 de Xullo

«Perdendo a forma humana»

Perdendo a forma humana propón un percorrido por un universo habitado por criaturas
reais e imaxinarias, personaxes enmascarados e seres ficticios sorprendidos en
momentos de intimidade.

A obra de Núñez constrúese a partir do autorretrato como punto de partida, dende onde a artista desprega un proceso pictórico por capas que transforma o rostro nunha nova identidade desligada da súa forma orixinal.

Noemí Núñez

Graduada en Belas Artes pola Universidade de Vigo, Noemí Núñez (Lugo, 1987) iniciou a
súa formación na EASD Ramón Falcón e completouna en Tenerife, Rumanía e Berlín.

Recentemente finalizou o ciclo de cerámica artística tamén na EASD Ramón Falcón.

O seu traballo combina figuración e abstracción, dando lugar a paisaxes internos marcados
pola emoción, a fantasía, o amor, a morte e o disfrace.

A maior parte da súa obra é pictórica, cunha forte presenza do xestual e o intuitivo, onde
o cor, a mancha e o volume se funden para construír presenzas inquietantes e atmósferas
densas.

Ao longo da súa traxectoria participou en festivais e bienais como Fancine (Festival de cine fantástico e de terror de Monforte), o Encontro de Artistas Novos EAN11 (Cidade da Cultura), a Bienal do Eixo Atlántico ou a Bienal Pintor Laxeiro, entre outros.