16.1 C
Lugo
Lun, 15 Jul 2024
Cargando Eventos

« Todos los Eventos

  • Este evento ha pasado.

Presentación da novela gráfica «Memorias dun neno galego»

14 de marzo - 19:00

Presentación da novela gráfica «Memorias dun neno galego»

O xoves 14 de marzo, celebrarase, ás 19 h, no panóptico do Vello Cárcere, en Lugo, a presentación de Memorias dun neno labrego, de Xosé Neira Vilas, ilustrado por Iria Aldegunde.

Acompañando a ilustradora, estarán Marta Veiga, xornalista; Sabela Núñez Singala, escritora; Fernando Redondo, presidente da Fundación Neira Vilas; e Pedro F. Pedrouzo Devesa.

Contará coa interpretación musical do grupo A Quenlla, que musicarán dous poemas de Neira Vilas.

Publicada na colección Novela Gráfica, a adaptación a banda deseñada do clásico de Neira Vilas está debuxada pola ilustradora Iria Aldegunde con sentimento e bo pulso narrativo.

Eu son… Balbino. Un rapaz de aldea. Coma quen di, un ningúen. E ademais, pobre.

Así comeza o libro máis lido e traducido da literatura galega. Unha das obras que fundan a nosa narrativa contemporánea e que agora se presenta por vez primeira nunha adaptación gráfica.

Iria Aldegunde pon en imaxes ese mundo que Balbino contempla ao seu redor cos ollos moi abertos e que adoece por entender, pois, como el afirma, vimos ao mundo cunha alforxa de preguntas.

Nesta novela gráfica atoparedes moitas desas respostas.

XOSÉ NEIRA VILAS (Gres, 1928-2015) foi membro numerario da Real Academia Galega e doutor Honoris Causa polas Universidades da Coruña e A Habana. Da súa extensa e variada obra literaria, cómpre salientar “Memorias dun neno labrego” (1961), das novelas galegas máis reeditadas e traducidas.

IRIA ALDEGUNDE (Santiago de Compostela, 2000). Historietista, compaxinou os estudos de Filoloxía Inglesa xunto coa súa formación en banda deseñada na escola profesional O Garaxe Hermético. Participou nos libros colectivos “Florencio” (2022) e “Gaspariño XXI” (2023).

Detalles

Fecha:
14 de marzo
Hora:
19:00
Categoría del Evento:

Local

O Vello Cárcere
Av. Alcalde Anxo López Pérez, 10
Lugo, Lugo 27002 Spain
+ Google Map
Teléfono
982 29 71 95