Codex Cinema xoves 13/07 en adiante
Codex Cinema estrea esta semana dous grandes filmes.
O primeiro deles é o filme tunecino «Entre as figueiras» da directora Eirge Sheiri.
A película ofrece unha visión pouco habitual da vida en apariencia mundana dun grupo de rapazas e das súa vida interiores. A directora consegue un retrato fluído, sedutor e elegante sobre as diferenzas xeracionais
Sinopse: no noroeste de Túnez, un grupo de mozos e mozas traballan recolectando figos. Baixo a testemuña das árbores, desenvolven novos sentimentos, debaten, encóntranse e afástanse, coquetean e intentan entenderse. Ao longo do día a horta é un teatro de emocións, onde se representan os soños e as esperanzas de cada un deles.
A outra estrea da semana é a película chinesa «O regreso das andoriñas».
Baixo a dirección de Li Ruijun, o filme ofrécenos un delicado estudio pastoral sobre o amor e a dor, unha demostración de que o amor pode xerminar ata a esterilidade máis profunda. Unha película profundamente humana.
Sinopse: a humilde e sinxela Ma e o tímido Cao, foron expulsados das súas respectivas familias e obrigados a casar cun matrimonio concertado, así que terán que unir forzas e construír un fogar no cal sobrevivir. En sintonía cos ciclos da Terra, irán creando un refuxio …
Somos a axenda cultural de Lugo e o medio dixital onde enterarte de tódolos eventos culturais e de ocio da cidade: concertos, teatro, exposicións, cine, espectáculos, presentación de libros, danza…
Contacta: vivalugo@vivalugo.es
© 2018 Viva Lugo | Deseño web feito co ♡ por El cielo del norte