Teatro – «Para acabar con Eddy Bellegueule»

Idade recomendada; A partir dos 12 anos.

Lugar: Auditorio Municipal Gustavo Freire.

• sábado, 20 de maio de 2023 20:30 hs.

Sinopse:

Édouard Louis e Eddy Bellegueule son a mesma persoa e non o son.

“Para acabar con Eddy” é a historia dunha transformación, a do neno peculiar que ten que sobrevivir no entorno de violencia, machismo, pobreza, e homofobia no que ten a mala sorte de nacer.

O neno sensible e inquedo que debe ocultar o seu verdadeiro eu para intentar ser aceptado. O adolescente que se desvive por parecer un home de verdade para esquivar así o destino de abusos e humillacións ao que parece condeado.

Pero é Édouard quen, cunha honestidade descarnada e luminosa, cóntanos a historia de Eddy, do seu sufrimento e da súa liberación cando por fin consegue fuxir dese entorno opresor. Porque o final de Eddy Bellegueule é o principio de Édouard Louis, un dos escritores máis brillantes da súa xeración.

Entradas: A través do portal web entradaslugo.es e na  Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.