Xornadas sobre produción musical no MIHL. Mércores 19 de abril entre as 19:00h e 20:30h.

A Fundación Paideia Galiza, coa colaboración da Xunta de Galicia a través da Axencia Galega das Industrias Culturais (Agadic), organiza entre os meses de abril, maio e xuño de 2023 o VII Ciclo de Xornadas de Industrias Musicais baixo o título “A produción musical en tres pasos”. 

As 3 sesións, programadas en formato masterclass, abordarán a produción musical en tres pasos; a preprodución, o traballo previo a entrar no estudo; a produción, o traballo no estudo e o último paso, a posprodución, a mestura e o máster.

Os relatorios, estarán acompañados dun showcase dunha banda ou artista emerxente galega. 

O primeiro dos encontros, ¿“Paso 1 – Preprodución – Gravamos? celebrarase o mércores 19 de abril no MIHL (Parque da Milagrosa – Av. Infanta Elena, s/n, 27003 Lugo) entre as 19:00h e 20:30h. 

Esta sesión contará coa participación de Juan de Dios Martín (www.juandedios.es) produtor musical que recibiu catro nomeamentos aos Grammy, dous aos americanos e outras dúas aos latinos. Tamén formou parte do Comité Executivo da sección de Los Ángeles do Audio Engineering Society, onde tomou a iniciativa para convertela na primeira sección bilingüe en Estados Unidos nos máis de 70 anos de historia da asociación. 

Helena Egea será o proxecto musical que participará ofrecendo un showcase en esta primeira sesión. 

A inscrición para esta xornada é gratuíta e xa está aberta a través da web de Fundación Paideia Galiza www.paideia.es

A Fundación Paideia Galiza e a Xunta de Galicia procuran, a través da organización destas Xornadas, o intercambio, o debate e a reflexión entre as/os profesionais ligadas/vola a industria musical, ofrecendo ferramentas para o crecemento do sector e o fortalecemento da a súa actividade emprendedora.