De qué falamos cando falamos de fotografía? De quén falamos cando falamos de Adra Pallón? Canto falan da súa persoa as súas fotos? Canto calan? 

Nesta serie número 9 de «Eloxiemos Agora a Persoas Famosas – Xente con clase», o gran proxecto que está a facer o fotógrafo lucense sobre a nosa cidade, o formato das imaxes é panorámico… Froito da experimentación? ou, necesario para o que quere contar? Qué quere contar?! 

Que cada quen saque as súas conclusións ao ler a serie, cada fotografía fala soa, en conxunto dan vida a un relato.

Adra Pallón é un maxistral fotógrafo de Lugo con proxección internacional. Traballa para distintas axencias e medios, realiza proxectos persoais e é docente de cursos de fotografía.