Correos presenta o selo do mural «Julio César» de Diego As.

Correos dedica o completo da imaxe do selo á obra do lucense Diego As, nunha instantánea en contrapicado, que destaca o impoñente do mural.

Pintado na rolda da Muralla, lembra o pasado romano de Lugo cun retrato en escala de grises do emperador romano que xa se converteu en parada obrigatoria na cidade, sumándose aos seus atractivos turísticos.

A emisión filatélica conta cunha tirada de 124.000 exemplares, a un valor de 1’75 euros cada selo. O selo pode adquirirse en calquera oficina de Correos e tamén contactando co Servizo Filatélico no e-mail atcliente.filatelia@correos.com ou chamando ao 915 197 197.

Á presentación, celebrada no consistorio da capital lucense, asistiron a alcaldesa de Lugo, Lara Méndez; o artista autor do mural, Diego As; e a directora de Filatelia de Correos, Leíre Díez. No acto realizouse un matasellado de honra.