Eduardo Baamonde gaña o 2º Combate Mural de Lugo dentro do festival de arte Culturbán
A 2ª edición do Combate Mural tivo lugar esta fin de semana. O xurado, conformado por Xermán Álvarez, Christian Villamide e Anxo Lamelo escolleu a Eduardo Baamonde como gañador deste combate mural. O segundo e o terceiro premio foron para Juan José López (Lomarti) e Isabel Seidell. Os tres gañadores recibirán premios de 1000, 700 e 300€ respectivamente.
Ademáis foi a estrea do grupo lucense Haenselus, que deron un concerto desde o palco da música. Nova banda a seguir!
O edil de Educación, Felipe Rivas, entregou os premios deste certame organizado pola área de Cultura e o espazo LUPA Arte dentro da segunda edición do festival de arte urbano Culturbán. Felipe Rivas destacou o Culturbán como “unha mostra de arte na rúa que propón redescubrir a contorna urbana a través de distintas intervencións artísticas”.
O festival de arte Culturbán continúa coa mostra Xanelas Abertas, unha colección de imaxes nas que se pode ver o saber facer tradicional, a artesanía e a alta costura de Sara Lage dende a súa forma máis pura. As señas de identidade da mostra márcanas o deseño, a vangarda e o estudo dos patróns e a investigación de texturas e novas formas de bordado. Xanelas Abertas pode verse nas ventás do Círculo das Artes na rúa Bispo Aguirre.
Unha reportaxe fotográfica de Adra Pallón
