“Este ano, como novidade, organizamos novas rutas coas que desfrutar da arte nas rúas, nas súas distintas expresións”, declarou Maite Ferreiro, concelleira de Cultura, Turismo e Promoción da Lingua, durante a presentación deste ciclo de visitas guiadas; que engadiu “visitaranse as intervencións artísticas, entre as que se atopan os murais realizados durante o Culturban, elementos escultóricos e as palabras do ano entre outras mostras artísticas das rúas”.
As rutas artísticas terán lugar entre o 25 de xuño e o 17 de setembro, durante 10 venres, 7 mércores e catro sábados. Para as visitas en bicicleta, será preciso que cada persoa leve a súa.
Datas visitas
A pé entre as 18 e as 20 horas: 3 de setembro, 10 de setembro, 17 de setembro.
A pé entre as 19 e as 21 horas: 25 de xuño, 9 de xullo, 16 de xullo, 30 de xullo, 6 de agosto, 20 de agosto e 27 de agosto.
En bicicleta entre as 11 e as 13 horas: 31 de xullo, 7 de agosto, 28 de agosto e 4 de setembro.
En bicicleta entre as 19 e as 21 horas: 30 de xuño, 7 de xullo, 14 de xullo, 21 de xullo, 4 de agosto, 18 de agosto e 25 de agosto.
SAÍDA:
Parque de Rosalía de Castro diante do busto de Rosalía de Castro.
INSCRICIÓN
GRATUÍTA no teléfono da Oficina Municipal de Turismo de Lugo: 982 251 658
