"Os Retranquers" - Nova web serie animada lucense

O lucense Marcos Rodríguez acaba de poñer en marcha  a webserie animada “Os Retranquers”.

Protagonizada por seis personaxes feitos de madeira: Remedios Frik (amante da ciencia e as novas tecnoloxías), Uxío Tarabelo (aloucado e despistado), Lida Terralonga (os viaxes e a cultura son a súa paixón), Dani Zenoria (iogui e practicante da cultura Zen), Roque Celludo (“hater” profesional) e Maruxa das Follas (a experiencia é un grado e ela acumúlaa a moreas), fala sobre situacións cotidianas que suceden no día a día empregando para elo a esaxeración e a retranca.

Dispoñible o primeiro capítulo “Autoridade desconfinada” na súa canle de You Tube. Este episodio ironiza sobre a reacción dalgunhas persoas durante o confinamento severo sufrido no 2020 por mor da pandemia da Covid-19, e que demostrou que ás veces xulgamos aos demáis sen saber nada das circunstancias que rodean os actos de cada un.