Aberta a inscrición dun curso gratuíto de iniciación á produción e mixing.

O curso desenvolveranse o 3 e 4 de xuño e está dirixido a lucenses maiores de 14 anos, empadroados en Lugo.

Existen 8 prazas e a inscrición debe realizarse do 25 ao 28 de maio ata cubrir prazas, a través da web lugomasxti.org

Entre os contidos que se impartirán atópanse os principios físicos do son e da psicoacústica, entender a cadea de audio e os seus compoñentes, os tipos de cableado, tipos de ferramentas de mestura, gravación, procesamento de audio e amplificadores, entre outras. 

A duración da actividade será de 8 horas repartidas en, 4 horas o sábado 3 de xuño e outras 4 horas o domingo 4 de xuño, das 16.00 ás 20.00 h, na Casa da Música.

Os participantes que superen este curso terán a oportunidade de participar como DJs nun evento real para unhas 500 persoas que terá lugar o 17 de xuño.