Carteleira dos Codex Cinema setembro

Estreas:

– TRES MIL ANOS AGARDANDO POR TI. Despois de conquistar o corazón de crítica e público con «Mad Max: Fury Road» George Miller regresa con esta fantástica adaptación do relato curto de A.S. Byatt.

Cun reparto encabezado Idris Elba e Tilda Swinton o filme supón un auténtico festín visual que non deixará indiferente a ninguén.

– FIRE OF LOVE. A realizadora Sara Dosa pon en imaxes a fascinante historia da parella de vulcanólogos conformada por Katia e Maurice Krafft, pioneiros no estudo dos volcáns que conseguiron facer, a partir dos anos setenta, gravacións en 16 mm e fotografías que revolucionaron a xeoloxía.

Logo de traballar con máis de 200 horas de material inédito de arquivo «Fire of Love» supón unha incrible experiencia cinematográfica.