Teatro – A nena que vivía nunha caixa de mistos

Teatro – A nena que vivía nunha caixa de mistos

Caramuxo Teatro

Auditorio Municipal Gustavo Freire (ver mapa)

42 minutos

Recomendada público infantil maior de 3 anos.

Dirección Juan Rodríguez

Elenco artístico Laura Sarasola e Juan Rodríguez (manipulación dos monicreques).

«A nena que vivía nunha caixa de mistos» é a terceira parte da triloxía sobre os contos populares que comezou con «As fabas máxicas», continuou con «Feo» (Premio María Casares ao mellor espectáculo infantil) e rematará con este espectáculo.

A nova proposta de Caramuxo teatro está inspirada no conto «A vendedora de mistos» de Hans Chistian Ándersen.

Un espectáculo cunha coidada posta en escena e cunha linguaxe contemporánea, utilizando como temática a pobreza infantil.

Unha nena camiña pola rúa dun lugar a outro coa súa caixiña de mistos, a casa onde pasa a noite. Pola mañá sae pola vila para vender mistos a quen os necesite, no día a día coñece unha morea de personaxes e dous pequenos amigos, un vello can e un paxariño.

ENTRADA

FORMA DE ADQUISICIÓN

* A través do portal web entradaslugo.es e na Oficina de Turismo ata 3 horas antes do comezo de cada función; e no auditorio, o día da función, desde unha hora e media antes do comezo do espectáculo.

* As persoas que adquiran entrada con desconto deberán acreditarse na porta de acceso.